الخميس، 22 فبراير 2018

شطيطة الفلفل الأخضر

الشطيطة دي ممكن أستخدمها كمقبلات توضع في طبق صغير بجانب الطعام وكمان ممكن أدخلها في وصفات كثيرة ، يعني ممكن أقلي باذنجان وأخلطها معاها ، أو أضعها فوق طبق الفول المدمس ، أو أخلط معاها طماطم وتقدم ، أو أضع ملعقة منها على عصاج اللحمة المفرومة أثناء إعدادها ، وممكن أدخلها كمان في تتبيلة السمك ، مش بس كده عملت منها خلطة جديدة للساندويتشات فجبت جبنة كبايات وخلطت معاها مقدار من الشطيطة ودهنت بيهم الساندويتشات ووضعت شرائح رقيقة من الخيار والطماطم والطعم بقة حكاية عجبت كل اللي أكل الساندويشات دي والحمد لله ، وطبعا لا حدود لإبتكاراتك في المطبخ ...

المكونات:
فلفل أخضر حار
ملعقة من رقائق بذور الفلفل الأحمر الحار
ثوم مقشر
ملح
كزبرة جافة مطحونة
زيت ذرة

الطريقة:

  • يفرم الثوم في محضرة الطعام ثم يضاف له الفلفل الأخضر الحار وبذور الفلفل الأحمر والملح والكزبرة ويفرم 
  • نضع زيت الذرة ونقلب بالملعقة ثم نضع الخليط في بطرمان زجاجي ويحفظ بالثلاجة للإستخدام
ملاحظات:
  • الفلفل الأخضر أفرمه ببذوره.
  • الفلفل الأخضر الحار المستخدم هو الفلفل الذي حرارته معتدلة وليس الفلفل الرفيع جدا الشديد الحرارة 


وبالهناء والشفاء ،،،