كنت بعمل مكرونة بالباشميل وكنت بحضر عصاج اللحم بالطماطم للصينية دي فقلت خليني أبشر 2 حبة كوسا متوسطة على 1/2 كيلو لحمة مفرومة وأخلطها معاها أثناء اعداد العصاج يبقى بكده زودت القيمة الغذائية لصينية المكرونة بإضافتي للخضروات وكمان وجدت انه طعم الكوسا لم يظهر عند تناول المكرونة وعندي في البيت كل من تناول المكرونة دي ما عرفش اني حاطة كوسا مع اللحمة إلا لما قلت لهم ثاني يوم .. وعلى فكرة ده كمان ينفع الأمهات اللي أولادهم ما بيحبوش أكل الكوسا بالرغم من فوائدها الغذائية .
متى أضع الكوسا على العصاج؟ بعد ما أخلص من اعداد عصاج اللحمة ووضع صلصة الطماطم أضع 1/2 كوب ماء ولما يسخن شوية أضع الكوسا وأخليها تتشرب بالصلصة وإذا احتاجت ممكن أزيد 1/4 كوب ماء - الكوسا المبشورة بتنضج سريعا مجرد دقائق وكمان ما ننساش إنه الصينية حتدخل الفرن - ولما العصاج يشرب كل الماء يبقى كده جاهز إني استخدمه في صينية المكرونة .
