المكونات :
جمبري ( روبيان ) بقشره لكن بدون الرأس
1بصلة مخرطة صغير
2 فص ثوم مهروس أو شرائح
1 فلفل أخضر مقطع قطعا صغيرة
1 طماطم مفرومة خشن بمحضرة الطعام أو مقطعة قطعا صغيرة
ملح وفلفل أسود وكزبرة ناشفة وكمون
كركم وكاري
عصير نصف ليمونة
الطريقة :
- في قدر نضع كل المكونات السابقة معا ماعدا الجمبري ونخلطهم مع بعض ونضع عليهم كمية مناسبة من الماء ( كمية الماء لا تكون كثيرة بل تكفي لتغطية الجمبري وزيادة شوية ، يعني ما أملاش الحلة مية وأقول علشان بعمل شوربة كده مش حيكون لها أي مذاق ) ، ثم نضعهم على النار
- نقلبهم على النار ونتركهم حتى يغلي الماء
- بعد كده نضيف الجمبري ونغليه غلوتين وخلاص يعني لا نكثر طبخ الجمبري على النار ، ليه ؟ علشان يفضل طري
ملاحظة :
- الجمبري لو حجمه كبير أفضل عند التنظيف أنه أزيل رأس الجمبري وأفتح الظهر بسكينة حامية وأزيل الخط الأسود اللي بيكون في الظهر بدون ما أزيل باقي القشرة ولا الذيل ، لكن لو الجمبري صغير الحجم أكتفي بإزالة الرأس فقط .
وبالهناء والشفاء ،،،
