سمك فيليه مقلي

المكونات :
سمك فيليه منزوع الجلد ونظيف
ملح
فلفل
ثوم مفروم
قرن فلفل أخضر حار مفروم ( حسب الرغبة )
عصير ليمون
كمون ناعم

الطريقة :
- في طبق بايركس زجاجي يتم خلط جميع البهارات السابقة ، ثم تضاف قطع السمك وتمزج بالبهارات .
- تغطى بنايلون وتوضع بالثلاجة .
- يفضل تتبيلها قبلها بيوم ، أو يتم التتبيل صباحا وتترك عدة ساعات حتى ميعاد الغداء لتتشرب بالبهارات بشكل جيد .
- تخرج من الثلاجة وتوضع كل قطعة في خلطة مكونة من الدقيق + الملح + الفلفل + الكمون
- تقلى في الزيت ، ثم تصفى في مصفاة .
- يقدم بجانبها الرز المحمر ( رز يعمل للأكلات البحرية ) أو رز أبيض مرشوش وجهه بالبصل المقلي

ملاحظات :

• يتم تتبيل السمك في طبق زجاجي ولا يستخدم الألمونيوم نهائيا لأنه يتفاعل مع الليمون .
• هذه التتبيلة تستخدم للسمك الفيليه كما تستخدم للسمك العادي الصحيح . 
• البعض يضع السمك في الدقيق فقط ثم يقليه ، ولكن اضافة البهارات السابق ذكرها للدقيق يجعل طعم السمك أطيب . 
• في بعض الأحيان ساعات الضرورة بتحكم إنه مايكونش فيه وقت كافي لترك السمك يتتبل براحته ففي هذه الحالة على الأقل أتركه نصف ساعة فقط في التتبيلة وبعدين أقليه وبيكون طعمه كويس .
• كنت عادة أصفي السمك الفيليه من ماء الشطف في مصفاة قبل وضعه للتتبيل بحيث تكون خلطة التتبيل مركزة ، لكن مرة ما أخدتش بالي ووضعت السمك الفيليه في الخلطة بدون ما أصفيه جيدا من الماء ، فأصبحت الخلطة تحتوي كمية كبيرة من الماء ، عملت إيه زدت الملح والفلفل والكمون والثوم وقلت خلاص بقه حسيب المياة مش حأصفيها ، ودخلتها الثلاجة ، لما طبخت الأكل عجب الكل وعندي في البيت قالولي إيه نوع السمك اللي اشترتيه ده نوعه ممتاز وحلو قوي وطري جدا بيدوب في الأكل ، وهم مش عارفين اللي حصل معايا في المطبخ .. وإن النوع ده دائما بأشتريه ودائما بيأكلوه هههههه ، المهم رب ضارة نافعة ، بعد كده بقيت أحرص على إني لما أصفي السمك الفيليه أخلي فيه شوية ميه مع التتبيلة لإعطاؤه الطراوة عند القلية . 

وبالهناء والشفاء ،،،