الملوخية بالجمبري من الأكلات اللي طريقتها سهلة وطعمها رائع ، وطبعا يوم ما نعملها نعمل جنبها رز أبيض مش رز السمك ، وكمان نقدم معاها قطعة خبز نغمس بيها الملوخية ، وممكن لو حبينا نقدمها بجانب سمك مقلي ، يبقى كده آخر تمام .
المقادير :
2/1 كيلو ملوخية مجمدة أو طازجة ومخرطة ناعم
2/1 كيلو جمبري ( ربيان ) مقشر ومنظف
2/1 ملعقة صغيرة كمون
1 بصلة متوسطة مقطعة بالنصف
6 فص ثوم كبير مفروم
ملح
فلفل أسود
1 ملعقة كبيرة كزبرة ناشفة ناعمة
1 ملعقة كبيرة سمنة
الطريقة :
- لسلق الجمبري :
- نضع قدر على النار + ماء + 4/1 ملعقة صغيرة فلفل أسود + قليل من الملح + 2/1 ملعقة صغيرة كمون + البصلة المقطعة من النصف + 2 فص ثوم مهروس .
- عندما يغلي الماء نضع الجمبري المقشر ونغطي القدر ونتركها لمدة 10 دقائق مع التقليب من حين لآخر ، ثم نغلق النار ، كده ضمنا إن الجمبري نضج .
- نطلع البصلة من شوربة الجمبري ونرميها ، وشوربة الجمبري دي هي اللي حنستخدمها في تحضير الملوخية .
- تحضير الملوخية :
- في قدر ثاني على النار نضع قليلا من شوربة الجمبري ثم نضع كيس الملوخية المجمد - أو الملوخية الطازجة المخرطة - وأترك الملوخية لتذوب من ثلجها ، مع التقليب ومراعاة عدم غليان الملوخية .
- لما تذوب الملوخية تماما في الشوربة أضع الجمبري وأضيف المزيد من شوربة الجمبري على حلة ( قدر ) الملوخية بالتدريج مع التقليب الخفيف .
- عندما تصل الملوخية للقوام المطلوب لا أضيف المزيد من الشوربة ، وإذا كمية الشوربة كانت أقل من المطلوب وكان قوام الملوخية كثيف ممكن أزيد القليل من الماء .
- لتحضير تقلية الملوخية : في مقلاة صغيرة أضع ملعقة السمنة + 4 فص ثوم مهروس + قليل من الملح + رشة فلفل أسود + 1 ملعقة كبيرة كزبرة ناشفة مطحونة ، وأقلبها قليلا على النار ثم أسكبها سريعا فوق الملوخية ، بعد كده آخد شوية ملوخية وأحطهم في المقلاة علشان أنزل أي تقلية موجودة فيها .
- بعد وضع التقلية على الملوخية أتركها على النار دقيقتين فقط مش أكثر علشان الكزبرة الناشفة لو خليتها على النار كثير تعمل طعم مر وطبعا احنا مش عايزين كده .
- كمية الماء المستخدمة لسلق الجمبري مش كبيرة ، بل كمية تكفي لتغطية الجمبري وزيادة ، ليه ؟ لإني عايزة شوربة الجمبري اللي تطلع يكون لها طعم .
- وأنا بعمل تقلية الثوم أخليها على النار لفترة قليلة فقط وأراعي ان الثوم لا يتغير لونه .
- من الممكن إضافة مكعب دجاج ماجي للملوخية أثناء إعدادها .
