المكونات:
1/2 كيلو لحم مفروم
1 بصلة متوسطة مفرومة ناعم
1 حبة بطاطس متوسطة مسلوقة ومهروسة بالشوكة
ملح وفلفل أسود
بهار
قليل من عصير الليمون
شبت مخرط
كزبرة خضراء مخرطة
قليل من البقسماط الناعم
1 بيضة
زيت للتحمير
الطريقة:
- تخلط مكونات الكفتة السابقة وعليهم رشة البقسماط وأكسر عليهم البيضة وأخلطها معاهم بيدي جيدا ثم تكور وتوضع في راحة اليد وتبطط ثم تحمر في الزيت
ملاحظات:
- في الكفتة دي أجعل كمية الشبت كثيرة علشان مذاقه الشهي يبقى واضح عند الأكل
- البطاطساية لما أسلقها أضعها في ماء فاتر ثم أسلقها على النار ، ولا أضعها مباشرة في الماء المغلي ، ليه ؟ علشان لو سلقتها على طول في مية مغلية حنلاقيها تستوي من بره ومن جوه حتكون غير ناضجة .
- وكمان أبقى أسلق البطاطساية بقشرتها . برضه ليه ؟ علشان دي حأحطها في الكفتة ومش عايزاها تتشرب بمية كثير لإني لو قشرتها قبل السلق حتشرب مية وتطرى وبالتالي لو خلطتها مع الكفتة حألاقي الكفتة تفك مني عند القلية .
- حاجة كمان بخصوص البطاطساية إياها ، إنه لما تتسلق وأقشرها لازم أخليها الأول تبرد تماما قبل وضعها على اللحم المفروم النيء.
وبالهناء والشفاء،،،
