صينية دجاج محمر بالبطاطس

شئ جميل إن الإنسان ينوع في الأكلات اللي بيعملها ، ولو الواحد فكر شوية حيلاقي إن أساس الأكلات ما بيختلفش كثير فالدجاج دائما نستخدمه وكذلك البطاطس ، لكن لما بنغير شوية في البهارات المستخدمة والمكونات الإضافية ،  بيتغير الطعم بدرجة كبيرة وبيعطي مذاق مختلف وجميل .

المقادير :

1 دجاجة زنة 1 كيلو صافي
ملح
2/1 ملعقة صغيرة فلفل أسود
2/1 ملعقة صغيرة كمون
4/1 ملعقة صغيرة ورق غار مطحون
ملء قبضة اليد روزماري ( اكليل الجبل )
4 حبات بطاطس متوسطة الحجم
4/1 ملعقة صغيرة شطة حمراء
4/1 ملعقة صغيرة شومر مطحون
2/1 ملعقة صغيرة كزبرة ناعمة
4 حبات ثوم مفروم
زيت ذرة

الطريقة :

1. نحضر دجاجة كاملة غير مقطعة وبعد تنظيفها ، سندعكها من الداخل والخارج بالملح + الفلفل الأسود + الكمون + ورق الغار الناعم .
2. نضع الروزماري بداخل الدجاجة .
3. صينية الفرن نفرشها ورق ألمونيوم ونضع قليلا من الزيت عليها ثم نضع الدجاجة .
4. في طبق نضع البطاطس المقشرة والمقطعة قطعا كبيرة ، ونضع عليها الملح + الفلفل الأسود + الشطة الحمراء + الشومر المطحون + الكزبرة المطحونة + قليل من الثوم المفروم ونقلبها بالملعقة .
5. نصف خلطة البطاطس مع توابلها حول الدجاجة في الصينية ، ثم نرش زيت فوق الدجاجة وفوق البطاطس .
6. نضع كوب ونصف ماء على البطاطس ، ثم نغلق الصينية بورق ألمونيوم بإحكام .
7. نضعها على الرف الأوسط لفرن حار حرارته 260ْ لمدة ساعة وهي مغطاة ، وبعد ذلك ننزع غطاء الألمونيوم سنجد كمية من البهريز ( الشوربة )  حول الدجاجة ، سندخلها الفرن لمدة نصف ساعة أخري حتى تتشرب كل السوائل ويتحمر وجه الدجاجة .
8. تقدم بجانب رز أبيض مفلفل أو رز بشعرية وسلطة خضراء .

ملاحظات : 

• بالنسبة للروزماري يمكن استخدام النوع الطازج أو استخدام المجفف ، بالناسبة للطازج أنا لا أجده دائما في السوبرماركت علشان كده قلت أجرب فغسلته كويس وصفيته من الماء ووضعته في كيس نايلون وحفظته في الفريزر ، ولما حبيت أعمل أكلة النهاردة ، قلت أما أشوف اخبار الروزماري اللي حفظاه في الفريزر إيه ؟ لو كان كويس حأستخدمه ولو مش كده حأستخدم النوع الجاف . الروزماري اللي حفظاه في الفريزر هو اللي كسب ، كان محتفظ بكل خواصه ورائحته المميزة بحيث النوع الجاف مايجيش جنبه حاجة خالص وأعطى مذاقه المميز للطبخة .

وبالهناء والشفاء ،،،