صينية خضروات مع بيف بيرجر مشوية بالفرن

في أكلة النهاردة حاولت أغير من طريقة تقديم البيف بيرجر بحيث تعطينا مذاق جديد وصحي .


المكونات :


عدد من قطع البيف بيرجر
بضع حبات بطاطس مقشرة ومقطعة
جزرة مقطعة
ملء قبضة اليد فاصوليا خضراء مقطعة
2 بصلة متوسطة مقطعة سميك
فلفل رومي مقطع
2 فص ثوم مقطع شرائح
قرن فلفل حار مفروم
ملح
فلفل أسود
زيت ذرة


الطريقة :

• عند بدء العمل نسخن الفرن.
• في صينية فرن نضع البطاطس + الجزر + الفاصوليا + البصل + قرن الفلفل الحار + الفلفل الرومي + الثوم ، وتتبل الخضروات بالملح والفلفل الأسود .

• نصف فوقها حبات البيف بيرجر ( من الفريزر مباشرة بدون فك التثليج ، ممكن اخليهم 10 دقائق خارج الثلاجة علشان أقدر أفصلهم عن بعض ) ونضع الزيت فوق البيرجروالخضروات .

• نضيف كوب واحد من الماء إلى الصينية ونغطيها بورق ألمونيوم  ثم تدخل فرن حار حرارته 260ْم  وتوضع على الرف الأوسط ، وبعد نصف ساعة ننزع الورق الألمونيوم ونترك الصينية بالفرن حتى تتحمر .

وبالهناء والشفاء ،،،


شوربة خضروات :


بعد تناول طعام الغداء تبقى من الصينية شوية خضروات  ، كمية قليلة من  البطاطس والجزر والفاصوليا الخضراء والبصل ) ، قلت أعمل فيهم إيه لو سبتهم كده مش حيتاكلوا ، وكمان حرام أرميهم لإني مابحبش أرمي نعمة ربنا ،  أحسن حاجة أعملهم شوربة ...

• نضع شوربة دجاج على النار ( عادة بعد سلق الدجاج بأحتفظ بشوربة الدجاج الفائضة في الفريزر لإستخدامها وقت الحاجة ، وإذا لم يتوفر ممكن ماء مع مكعب مرقة دجاج ) .
• عندما تسخن الشوربة نضيف الخضروات + شوية كزبرة خضراء مخرطة لإنها بتعطي مذاق مميز وبتناسب البطاطس والجزر .
• نضرب الشوربة بالمضرب الخاص بالشوربة وهي في الحلة ( القدر ) ،  أو نضعها بالخلاط ونضربها ثم نعيدها للحلة مرة أخرى .
• نضع الملح والفلفل الأسود ، في هذه المرحلة يمكن تناول الشوربة لكني حبيت أزيد خطوة إضافية تغني مذاق الشوربة وكمان تزيد كميتها وهي إضافة علبة صغيرة من الكريمة .
• تقدم في أطباق ويعصر على الوجه عصير الليمون ، وياسلام لو يتقدم بجانبها قطع من الخبز المقلي بالزيت .

وبألف هناء وشفاء ،،،