دي طريقة سريعة لعمل البطاطس وهي سريعة علشان احنا ما بنستخدمش فيها اللحمة سواء كانت قطع أو مفرومة ، وطعمها لذيذ جدا وبتسعفني لما أكون جاية من برة ومش محضرة أي حاجة أعملها للغداء وعايزة أخلص الأكل بسرعة علشان نتغدى .
المقادير :
3 حبات بطاطس متوسطة مقطعة مكعبات
1 بصلة كبيرة مخرطة
1 حبة فلفل رومي مقطعة
2 حبة طماطم متوسطة مفرومة خشن بمحضرة الطعام
2/1 علبة معجون طماطم
3 فص ثوم مفروم
1 قرن فلفل حار مفروم
ملح
فلفل أسود
قليل من زيت الذرة
الطريقة :
- نضع الزيت في الحلة وعندما يسخن نضع البصلة ونحرك وعندما يبدأ لونه يتحول للبني الفاتح نضع البطاطس ونحرك عدة دقائق .
- نضيف الفلفل الحار المفروم + الثوم + الفلفل الرومي ونحرك ثم نضيف الطماطم المفرومة .
- نضع معجون الطماطم + مقدار مناسب من الماء + الملح + الفلفل الأسود ونترك البطاطس لتنضج .
- تقدم في أطباق وتؤكل بجانب رز بشعرية أو رز أبيض مفلفل أو رز حبة وحبة .
وبالهناء والشفاء ،،،
