صينية ريش مشوية بالفرن

بحب قوي الطرق السهلة والسريعة في الطبخ والتي تعطيني مذاق مميز .

المكونات :

ريش لحم
ملح
فلفل أسود مجروش
بصل مقطع حلقات
زيت ذرة

الطريقة :

• في الأول أسخن الفرن .
• أدق اللحم بالمدق الخاص باللحم .
• أحضر صينية فرن وأفرش حلقات البصل فيها ، ثم أرص فيها ريش اللحم ، والريش أصفها بجانب بعض بقدر الإمكان وأحرص اني لا أضع الريش فوق بعض علشان لو عملت كده الريشة اللي تحت صحيح حتستوي لكن مش حتتحمر.
• وكل ريشة أتبلها بملح وفلفل أسود من الجهتين ، ثم أضع الزيت على اللحم .
• أضع ربع كوب ماء في الصينية وأغطيها بورق ألمونيوم وأدخلها فرن حار 260 ْم على الرف الأوسط لمدة نصف ساعة ، بعد ذلك أشيل الغطاء الألمونيوم وأتركها حتى تتحمر .
• ممكن أقدم معاها رز بالشعرية ، وكمان حلو قوي لو أعمل بجانبها بطاطس مشوية بالفرن لإن الفرن كده كده حيكون شغال فأستفيد منه بالمرة .

وبالهناء والشفاء ،،،