وبتكون بالشكل ده :
وكمان عند شراء الكوارع أحرص على أنها تكون نظيفة ومافيش على جلدها أي شعر من البقرة .
شوفي كده - بسم الله ماشاء الله - الكوارع نظيفة وزي الفل .
ودلوقت حنشوف بتتعمل إزاي وحتلاحظي إنها في غاية البساطة .
المقادير :
2/1 1 كيلو كوارع نظيفة ومقطعة حلقات
4 حبة بصل متوسطة
فلفل أسود
ملح
10 فصوص حبهان
5 حبات قرنفل
2 عود قرفة
عصير ليمون
الطريقة :
- الأول نغسل الكوارع كويس بالماء عدة مرات ، وأنا بأغسلها بمية بس بدون أي إضافات أخرى .
- على النار نضع حلة الضغط البرستو وأضع بها مقدار كافي من الماء ، ومن الممكن استخدام الحلة العادية لكنها ستأخذ وقت أطول في الطبخ .
- البصل أشقه بالسكين من النصف لكن لا يقطع بالكامل وأضعه في الماء وبحب أكثر من البصل علشان يعطي طعم للشوربة دي + الفلفل الأسود + القرنفل ( المسمار ) + الحبهان ( الهيل ) + عود القرفة ( الدارسين ) .
- عندما يغلي الماء نضع الكوارع ونغلق الحلة ، بالنسبة للطبخ في البرستو بياخد ساعتين ، ياااه ساعتين بحالهم ؟! أيوه ساعتين ولو في حلة عادية حيأخذ مدة أطول . طيب ليه كده ؟ علشان دي كوارع مش لحمة وجمال الكوارع إنها عند الأكل تلاقيها طرية ومابتشدش .
- بعد نضج الكوارع نصفي الشوربة في مصفاة ، ونغرفها في أطباق ونضع في كل طبق عدد من قطع الكوارع ، ونتبل الشوربة بالملح والفلفل الأسود مع عصير الليمون ، ويقدم معها خبز طازج .
