صينية بطاطس بكرات اللحم

حأرجع تاني أستخدم كرات لحم أمريكانا Amaricana Beef  Meatballs في الطبخ ، أصلا أنا بحب التتبيلة بتاعتها ، فيه كثير من الناس بيفتكروا إن الكفتة المجمدة دي بنشتريها علشان نقليها وبس ، فبيقللوا جدا مجالات إستخدامها ، ليه ؟! طب ماننوع في طريقة تقديمها ويبيقى كده أغنينا السفرة بتاعتنا بطعام شهي وسريع التحضير . 

المقادير :

1 باكيت أمريكانا كرات لحم عدد 16 كرة
1 بصلة كبيرة مخرطة
 3 حبات متوسطة بطاطس مقشرة ومقطعة دوائر
1 طماطم كبيرة مقطعة صغير
1 علبة صلصة طماطم
ملح
فلفل أسود
قليل من زيت الذرة

الطريقة :

1. يسخن الفرن .
2. في صينية الفرن نضع البصل المخرط + الملح + الفلفل الأسود وندعك البصل باليد حتى يطرى .
3. نخلط البطاطس مع البصل ، ثم نضع الطماطم المقطعة ونخلطها .
4. نضع كرات اللحم مباشرة من الفريزر على الصينية ونفك أي إلتصاق بين الكرات ، ونرتب البطاطس والكفتة في الصينية .
5. نضع صلصة الطماطم + الزيت + الماء وبملعقة نقلب بخفة صلصة الطماطم حتى تتوزع في الصينية .
6. نضع الصينية على الرف السفلي المباشر للفرن ، درجة الحرارة حارة 260ْ م ، حتى تمام النضج ، وإذا إحتاجت لماء نزيدها أثناء النضج .
7. يقدم بجانبه طبق  رز بشعرية  وطبق سلطة   وطبق مخلل .

وبالهناء والشفاء ،،،